Happing í fólkaskúlanum kannað

Happing í fólkaskúlanum er kannað fyri triðju ferð. Mentamálaráðið gjørdi kanningina.

Kanningin er gjørd, og greining og frágreiðing verða gjørdar í løtuni. 

Tær ger Námsvísindadeildin á Fróðskaparsetrinum. Eftir ætlan verða úrslitini løgd fram um mánaðarskiftið apríl/mai, skrivar Skúlablaðið.

Hvørji átøk verða skipað í sambandi við kanningina er ikki avgjørt enn.

Fylgibólkur

Fylgibólkur fylgir arbeiðinum og verður við til at mæla til átøk. 

Í fylgibólkinum eru umboð fyri Nám, Sernám, Undirvísingarstýrið, Mentamálaráðið, Heim- og skúla, Skúlaleiðarafelagið, AKT-lærararfelagið, Lærararafelagið og Kommunufelagið.

Kanningin fevnir um tríggjar árgangir í fólkaskúlanum, fimtu, sjeyndu og níggjunda flokkarnar.

Endamálið við kanningini er at lýsa, um happing er økt ella minkað í fólkaskúlanum síðan 2015, tá seinasta kanningin varð gjørd.

Tann kanningin vísti, at 13 prosent verða happað og 16 prosent happa.