Avgjørdi at skriva fýra álit, tvey um berghol

Fíggjarnevndin hjá løgtingnum avgjørdi í gjár at skriva álit um uppskotini um berghol til Fámjins og til Dals.

Avgjørt varð eisini at skriva álit um uppskotið hjá Fólkaflokkinum til samtyktar um at javnseta almenna og privata bústaðarbygging og um uppskot Fólkafloksins um skattalætta fyri heimavirki. Flokkurin skjýtur eisini upp, at heimavirki sleppur undan meirvirðisgjaldinum.

Fólkaflokkurin legði hesi bæði uppskotini fram í september.

Fíggjarnevndin bíðar enn eftir tilfari úr landsstýrinum um uppskotið at byggja barnaheim í Havn.

Tingfundur er í dag kl.11.00.