At varskógva er at smetta siga tingfólk

13.02.2019 - 07:56

Aktuelt›Samfelag

Varskógvaraskipanin kemur í gildi 1. mars. Endaliga samtykt í gjár

Skjótt kunnu tey, sum arbeiða hjá tí almenna, gera vart við skeivleikar á arbeiðsplássinum eftir einari skipan, sum løgtingið hevur samtykt

Eftir drúgvt orðaskifti, tá triðja viðgerð var í tinginum í gjár, varð lógin um varskógvaraskipan hjá teimum, sum arbeiða hjá tí almenna, samtykt í gjár. Lógaruppskotið fekk 12 atkvøður fyri og 11 vóru ímóti.

Andstøðan í tinginum mælti staðiliga frá at samtykkja uppskotið. Varskógvaraskipanin varð kallað ein smettaraskipan. Hon er bæði óneyðug og ódámlig, søgdu andstøðufólk.

Men uppskotið varð tó samtykt. Lógin um varskógvaraskipan kemur í gildi 1. mars.