Neistin er steypavinnari

Steypafinalan hjá monnum kundi neyvan blivi nógv meira spennandi.

Neistin vann við einum máli. Avgerandi málið skoraði Rasmus Søby við langskoti í allarsíðsta sekundi.

Fyrri hálvleikur var ógvuliga verjukendur, og tað sást aftur á hálvleiksstøðuni, sum var 9-8 til Neistan.

Í seinna hálvleiki bleiv dysturin munandi meira undirhaldandi, og eitt skifti var Kyndil á sigurskós, tá teir vóru á odda við fýra málum.

Venjarin hjá Neistanum, Jeppe Borch, broytti taktikk. Hann spældi 5-1 í verjuni og við sjey móti seks í álopunum, og tað riggaði.

Tað bendi tó nógv á, at neyðugt fór at verða við umdysti, tí tá fá sekund vóru eftir var javnleikur 22-22.

Men við hegnisligum langskoti í síðsta sekundi syrgdi Rasmus Søby fyri, at sigurin fór til Neistan.

neistinfegnast2.jpg

neistinfegnast1.jpg

Kyndil-Neistin 22-23 (8-9)