Eftir 14 mánaðir: Gevst sum sjúkrahússtjóri

Eftir 14 mánaðir: Gevst sum sjúkrahússtjóri
Jóanis Erik Køtlum, ið tók við starvinum sum forstjóri fyri Sjúkrahúsverk Føroya 1. januar í 2018, gevst longu í starvinum
Jóanis Erik Køtlum gevst í starvinum sum stjóri á Landssjúkrahúsinum og forstjóri fyri Sjúkrahúsverk Føroya eftir bara 14 mánaðum
Mynd: Samansettar myndir/kvf.fo  
 
12.03.2019 - 09:25

Jóanis Erik Køtlum hevur valt at siga seg úr starvinum sum sjúkrahússtjóri á Landssjúkrahúsinum og forstjóri fyri Sjúkrahúsverk Føroya, skrivar Heilsu- og Innlendismálaráðið á heimasíðuni.

Jóanis Erik Køtlum ynskir at verða loystur úr starvinum sum skjótast. Heilsu- og innlendismálaráðið hevur játtað at ganga umbønini á møti, og tí gevst hann longu í starvinum í dag.

Allir tríggir sjúkrahússtjórarnir sagt upp

Landsstýriskvinnan í heilsu- og innlendismálum, Sirið Stenberg, hevur heitt á Margit Stórá, varastjóra, um fyribils at taka við starvinum sum virkandi sjúkrahússtjóri á Landssjúkrahúsinum og forstjóri fyri Sjúkrahúsverk Føroya

Sjúkrahússtjórarnir á Klaksvíkar Sjúkrahúsi, Heri Ellingsgaard, og stjórin á Suðuroyar Sjúkrahúsi, Ronnie Midjord, hava eisini sagt upp, og teir gevast í summar.

Tí verður í næstum farið undir at lýsa eftir nýggjum leiðslutoymi til ovastu leiðsluna í Sjúkrahúsverki Føroya, stendur í tíðindaskrivinum frá ráðnum í morgun.

Dagført 10:35: Tað er ikki eydnast okkum enn at fáa viðmerkingar til málið um, hví Jóanis Erik Køtlum hevur sagt seg úr starvinum.

0 seconds of 0 secondsVolume 90%
Press shift question mark to access a list of keyboard shortcuts
00:00
00:00
00:00
 

Video: Køtlum skal standa á odda fyri sjúkrahúsverkinum

Sjónvarpið tosaði í november 2017 við Jóanis Erik Køtlum, tá hann júst var settur í starv sum stjóri á Landssjúkrahúsinum og forstjóri fyri Sjúkrahúsverk Føroya. Sí samrøðuna omanfyri her.

Er kopiera
Nýggjastu sendingar í ÚV
Leygardag 12. juli
Morgunlestur leygardagur 12.juli 2025
194084
Fríggjadag 11. juli
Praktikanturin: Erika Hentze Niclasen
194337
Fríggjadag 11. juli
Radio Stjernekilde II - part 5
194323
Fríggjadag 11. juli
RagnarRokk: Oskar Holldorff um Shards
194118
Fríggjadag 11. juli
Morgunlestur fríggjadagur 11.juli 2025
194083
Nýggjastu sendingar í SV
Fríggjadag 11. juli
Veðrið
194338
Mikudag 9. juli
Dagur og vika - teknmálstulkað
194245
Týsdag 8. juli
Veðrið
194213
Sunnudag 6. juli
Og ein summardag (2:2)
194098