Arbeiðsloysið metlágt

Í januar 2019 var árstíðarjavnaða fulltíðararbeiðsloysið 1,1 prosent. Hetta er tað minsta, sum nakrantíð er gjørt upp, sæst á heimasíðuni hjá Hagstovuni.

Frammanundan var tað minsta í juni 2008 við 333 persónum, svarandi til 1,2%, vísa nýggjastu tølini hjá Hagstovuni.

Hjá mannfólki var arbeiðsloysið 0,9 prosent og hjá konufólki 1,3 prosent. Í tali var árstíðarjavnaða fulltíðararbeiðsloysið 323 persónar í januar í ár, tað eru 302 færri enn sama mánað í fjør.