Nú eru komin fundarboð um eldrasamstarvið

Tað er tað seinasta, sum formaðurin í Bú- og heimatænastuni, Dennis Holm, borgarstjóri í Vági, hevur fingið at vita.

Løgmaður lovaði annars, at fundurin skuldi verða í seinasta lagi 20. mars. 26. februar frættist annars úr Løgmansskrivsstovuni, at fundurin bleiv fyri hálvan mars.

Bú- og heimatænastan sigur seg hava ov fáar pengar til eldrasamstarvið og vil fundast við landsstýrið um tað.

Fingu ikki Sandoyarloysn

Bú- og heimatænastan bað landsstýrið um eina serskipan sum tann, Sandoyggin hevur, men hana fingu tey ikki.

Fundur var millum landsstýrið og Bú- og heimatænastuna í januar, og tá varð avtalað at hava fund aftur fyrst í februar. Men tann fundurin hevur ikki verið enn.

Tað nýggjasta er, at fundurin verður 5. apríl. Hvar hann verður, er ikki avgjørt enn. Bú- og heimatænastan hevur ikki fingið at vita, hvørjum landsstýrið kemur við.