Tórshavnar kommuna álvarsliga átalu

Umboðsmaðurin helt ikki, at kommunan hevur hildið reglurnar um víðkaðu partshoyringarskylduna, og metti ikki kommununa hava nøktandi skjalagrundarlag til at staðfesta, at talan var um óloysiligar samstarvstrupulleikar.

Av tí at ósamsvar var ímillum skrivliga grundarlagið hjá kommununi í málinum og frágreiðingina til umboðsmannin um grundarlagið fyri uppsøgnini, gjørdi umboðsmaðurin av at síggja burtur frá pørtum av frágreiðingini hjá Tórshavnar kommunu í viðgerðini av málinum.

Samanumtikið gav umboðsmaðurin Tórshavnar kommunu eina álvarsliga átalu fyri handfaringina av málinum og heitti á kommununa um at viðgera málið av nýggjum og lata seg frætta, hvat víðari hendir í málinum.

Málið er so álvarsligt, at tað eisini er sent borgarstjóranum í Tórshavnar kommunu og landsstýriskvinnuni í kommunumálum.