Eingin gravgangur eftir rektarastarvi

Eingin gravgangur eftir rektarastarvi
Tríggjar umsóknir eru til starvið sum rektari á Fróðskaparsetrinum
Tríggir umsøkjarar vilja stýra Setrinum
 
02.05.2019 - 12:09

Tey eru ikki nógv, sum vilja verða rektari á Fróðskaparsetrinum. Formaðurin í stýrinum, Ólavur Ellefsen, sigur, at tríggjar umsóknir eru.

Tvær umsóknir eru úr Føroyum, og ein er útlendsk.  Meira vil stýrisformaðurin ikki siga um umsóknirnar. Starvið var eisini á útlendskum starvsportalum.

Setanarbólkur settur nú

Stýrið hevur fund tann 14. mai og fer tá at viðgera umsóknirnar, men setanarbólkurin verður settur longu nú, sigur Ólavur Ellefsen.

Ikki er útilokað, at rektarastarvið verður lýst leyst av nýggjum. Tað veldst um, hvussu góðar umsóknirnar eru hesaferð. Rektarin tekur við starvinum 1. september. 

Rektarin skal, sambært starvslýsingini, hava drúgvar leiðsluroyndir og neyvan kunnleika um granskingar- og útbúgvingarøkið. Starvið er áramálassett í fimm ár.

Fimm pluss trý

Sigurð í Jákupsstovu varð eisini settur í fimm ár, men seinni varð setanin longd trý ár.

Hon kann ikki leingjast eina ferð afturat. Men Sigurð í Jákupsstovu kundi søkja um starvið aftur hesaferð.  

Á Fróðskaparsetrinum eru 24 útbúgvingar, okkurt um 1.000 lesandi og yvir 140 starvsfólk. Fróðskaparsetrið fær í høvuðsheitum sínar pengar í fíggjarlógini.

Harumframt eru nógvar verkætlanir seinastu árini fíggjaðar við pengum frá Granskingarráðnum, vinnulívinum og øðrum

Er kopiera
Nýggjastu sendingar í ÚV
Fríggjadag 20. november
Vikuskiftið 20 nov 2026
216752
Fríggjadag 20. november
LEITISSTEIN 20.11.2026 (Linda Andrews)
216750
Fríggjadag 20. november
Breddin: Leigubústaðir og skattafyrimunir
216730
Fríggjadag 20. november
Beinleiðis úr Studio 5 - Nettupp
216723
Fríggjadag 20. november
RagnarRokk:Chris Flynn um Dreams of the Disappeared
215804
Nýggjastu sendingar í SV
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592