– Ferðsluviðurskiftini eru ikki nøktandi

Ferðsluviðurskiftini kring um Glyvra skúla eru ikki nøktandi. Serliga ringt er tað á morgni, tá ið skúlagongdin byrjar. Bussar koma til og frá, foreldur koyra børnini í skúla. Tekniska nevndin í Runavíkar kommunu hevur arbeitt við ætlan fyri økið.

Tað verður longri millum innkoyring og útkoyring, og rúmligari inni á avsetingarøkinum. Hetta viðførir vónandi minni trongsul á vegbreyt og inni á økinum - serliga í ferðsluni á morgni, skrivar kommunan.

Fyri at fáa nógmikið av rúmi til ætlanina var neyðugt at taka økið, har sum Glyvra Bio stóð, uppí høpið.

Tað verða ikki fleiri støðupláss, men væl betri umstøður hjá teimum sum koma til og frá, serliga tá ið ferðslan er sum mest. Spakin er settur í, og væntandi verður arbeiðið liðugt seinri í ár, skrivar Runavíkar.