Royal run ávirkar ferðsluna

Onkur vegur verður stongdur at kalla allan dagin og aðrir í stytri tíðarskeið. 3700 fólk hava meldað seg til royalu renningina.

Sí kort her: Ferðsla og Royal Run í Klaksvík

Sambært Landsverki, so fer tiltakið at ávirka ferðsluna allan dagin. Partar av býnum verða stongdir fyri gjøgnumkoyrandi ferðslu ávís tíðarskeið.

Harafturat verður landsvegurin frá Oyravegnum til Klaksvíkar stongdur fyri allari ferðslu millum klokkan 10:00 og 14:00.

Á heimasíðuni hjá Landsverki er eitt kort, har til ber til at kunna seg um, hvørjir vegir verða stongdir.