Vilja steðga ólógligum ferðavinnufiskiskapi

Í dag var Brimil á Porkeri og tók har fýra bátar við týskum ferðafólki, sum fiskaðu uttan neyðugu loyvini. 

Grein-40, stk.3 í lógini um fyrisiting av sjófeingi sigur, at "landsstýrismaðurin kann geva serstakt loyvi til fiskiskap í føroyskum sjógvi í sambandi við ferðavinnu."

Landsstýrismaðurin kan áseta nærri reglur um treytir fyri fiskifar, fiskiskapi, fiskileiðir, friðað øki, veiðinøgdir, reiðskapi og annað. Loyvt er ikki at avreiða veiðu frá slíkum fiskiskapi.

Tá Brimil tók teir fýra útróðrarbátarnar út fyri Porkeri seinnapartin, vísti tað seg, at týsku ferðamenninir høvdu eingi slík loyvi:

Sambært Óla Hans Olsen, skipara á Brimli, greiddu týskararnir frá, at teir skuldu hava veidda fiskin við sær heimaftur til Týsklands.

Týsku ferðamenninir leiga bátar frá føroyingum, og myndugleikarnir skulu nú eisini taka støðu til, um føroyingarnir skulu sektast fyri sín leiklut.

Sambært Óla Hans Olsen, hevur fiskiveiðieftirlitið ikki verið varug við henda trupulleika, fyrr hann bleiv almennur í fjølmiðlunum og løgtingsmaðurin Kári P. Højgaard setti ein grein-52 fyrispurning um málið.

Men nú eru ábendingar um, at tílíkt virksemi fer fram fleiri staðni kring landið, sigur Óli Hans Olsen.