Vánalig líkindi og færri ferðafólk

Ferðafólkatalið til Mykinesar er vaksið nógv í ár.

Men orsøkin er ikki fleiri ferðafólk, men tann, at líkindini at sigla vóru so ring í mai í fjør.

Jósup byrjaði at sigla millum Sørvág og Mykines 1.mai.

Og sambært tølunum fyri mai í ár flutti Jósup 4.401 ferðafólk á Mykinesleiðini.

Fleiri í ár

Tað eru nógv fleiri enn í mai í fjør.

Tá vóru ferðafólkini bara ein fjórðing av tí, sum tey vóru í ár. Tey vóru 1.110 í mai í fjør.

Men likindini at sigla í mai í fjør vóru so vánalig, at ikki bar til at flyta fleiri ferðafólk á Mykisnesleiðini. 

Á Suðuroyarleiðini vóru bæði ferðafólk og akfør færri í mai í ár enn í mai í fjør.

Ferðafólkini vóru næstan 26.000 í mai í fjør. Tey vóru stívliga 19.000 í ár. Og akførini vóru 30 prosent færri í ár.