NSÍ tapti í Norðurírlandi

NSÍ var fyri 0-2 tapi, tá teir vitjaðu Ballymena United úr Norðurírlandi í innleiðandi umfarinum í Evropa League í kvøld.

Støðan í hálvleikinum var 0-0, men norðurírar skoraðu tvær ferðir í seinna hálvleiki.

Tá 49. minuttir vóru farnir legði Leroy Millar Ballymena United á odda 1-0, og tá 56. minuttir vóru farnir økti Jude Winchester til 2-0.

Enn eru ikki allar súður syftar, men 0-2 tapi ger, at tað verður torført hjá NSÍ at spæla seg víðari.

Runavíkingar hava tó framvegis møguleikan, og fara uttan iva eftir honum, tá teir 4.juli taka ímóti Ballymena á Svangaskarði.