Tríggir kommunulæknar afturat í Havn

Tríggir kommunulæknar eru settir í Suðurstreymoyar læknadømi. Heilsutrygd hevur sett Guðrun Mortensen, Bjarna Wardum og Turið Holm Johannesen í starv.

Tey byrja øll 1. september í ár. Guðrun Mortensen og Bjarni Wardum vera í læknamiðstøðini við Kirkjustræti.

Turið Holm Johannesen tekur við starvinum, sum Annika Olsen hevði. Viðtalan hjá henni verður eisini við Kirkjustrætið, tá liðugt er at byggja har.

Guðrun Mortensen tekur við starvinum, sum hon seinastu tíðina hevur røkt í Miðlon. Heilsutrygd søkti í mai eftir fýra kommunulæknum til Suðurstreymoyar læknadømi.