Eingin Koltursleið í ár

Eingin Koltursleið í ár
Strandfaraskip landsins fara ikki at hava nakra Koltursleið í summar. Eingir pengar eru í ár
Spógvin, fyrr Alpha Pilot, bleiv strandfaraskip í apríl.
 
04.07.2019 - 12:39

Strandfaraskip landsins fara ikki at hava nakra Koltursleið í summar.

Pengar eru ikki til hennara í ár, sigur Hilmar Eliassen, stjóri á Strandferðsluni.

Ætlanin var annars, at Spógvin skuldi sigla eftir ferðaætlan av Gomlu rætt til Kolturs í summar.

Søkt var eftir trimum fólkum til Spógvan, men eykajáttanin fekst ikki.

Tí varð eingin settur.

Eingir pengar eru tí í ár til Koltursleiðina.

Til ber tó at leiga Spógvan at sigla til Kolturs fyri tímaprís.

Spógvin hevur verið í Koltri, og hann fær lagt at har.

Kostaði meira 

Alpha Pilot kostar Strandfaraskipum landsins meira enn tær 400.000, sum báturin kostaði at keypa.

270.000 kr. vórðu brúktar til at rigga Alpha Pilot, sum nú eitur Spógvin, til.

Hann skuldi málast, siglingartólini blivu dagførd, og nýggj landgongd varð gjørd.

Eins og á Súluni, sum nú er seld fyri 200.000 kr., hevur Spógvin síðani 1.apríl bara brúkt manning, sum longu er í umfari hjá Strandfaraskipum landsins. Eingin serstøk setan hevur verið til Spógvan. 

Hetta kostar Strandferðsluni okkurt um 40.000 kr. um mánaðin, sigur Heðin Mortensen.

Jósup

Jósup, sum sigldi á Hestleiðini í fyrsta ársfjórðingi í ár, kostaði 240.000 kr. 

Hetta var fyri tað mesta løn til skipara frá Sp/f Mykinesi, sum eigur Jósup.

Heðin Mortensen, landsstýrismaður, hevur svarað Bill Justinussen, løgtingsmanni, sum spurdi um Hestleiðina og um Strandferðsluna yvirhøvur.

Landsstýrismaðurin nevnir nógvar fyrimunir við Spógvanum.

Keyptir viðlíkahaldstímar úr landi til Teistan eru færri, og viðlíkahaldsarbeiði um náttina er fyri ein stóran part burtur, tí Teistin siglir færri túrar í Hest. 

Eisini eru 10.000 kr. spardar um vikuna í olju, sigur Heðin Mortensen.

Er kopiera
Nýggjastu sendingar í ÚV
Fríggjadag 20. november
Vikuskiftið 20 nov 2026
216752
Fríggjadag 20. november
LEITISSTEIN 20.11.2026 (Linda Andrews)
216750
Fríggjadag 20. november
Breddin: Leigubústaðir og skattafyrimunir
216730
Fríggjadag 20. november
Beinleiðis úr Studio 5 - Nettupp
216723
Fríggjadag 20. november
RagnarRokk:Chris Flynn um Dreams of the Disappeared
215804
Nýggjastu sendingar í SV
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592