Fakfeløg vilja hava síni hjartamál í valstríðið

Nú hevur Heilsurøktarafelagið orðað síni hjartamál. Tey eru átta í tali.

Hjartamálini kunnu, sambært Heilsurøktarafelagnum, bøta um arbeiðsviðurskiftini hjá heilsurøktarum og lívskorini hjá fólki, sum heilsurøktarar varða av. 

Álitisfólkini hjá felagnum hava orðað málini, og nevndin hevur síðani arbeitt víðari við teimum.

Hjartamálini hjá Heilsurøktarafelagnum verða løgd fram í Perluni í Havn týskvøldið í næstu viku. Tey verða eisini á heimasíðu felagsins og á sosialu miðlunum.