Løgreglan: Talan var um eitt álop

Tað sigur sjefpolitiinspektørurin hjá løgregluni í Keypmannahavn, Jørgen Bergen Skov, sambært danska kringvarpinum, DR.

– Onkur hevur lopið á bygningin við vilja, segði hann á tíðindafundi fyri løtu síðani.

Tvey fólk í bygninginum

Tvey fólk vóru stødd í bygninginum hjá Skattastýrinum, tá spreingingin var um hálvgum tíggju tíðina í gjárkvøldið. Hvørgin fekk skaða.

Løgreglan heldur ikki, at spreingingin varð ætlað nøkrum ávísum. Ein persónur, sum var staddur nærindis bygningum, tá spreingingin var, fór á skaðastovuna við snuddum. 

Jørgen Bergen Skov sigur eisini, at enn ber ikki til at siga, hvat elvdi til spreingingina. Spreingingin var uttan fyri inngongdina til Skattastýrið, sigur løgreglan.