Aldurin skal ikki vera avgerandi

– Tað skal ikki verða aldurin, men arbeiðsførleikin, ið avger, um ein skal av arbeiðsmarknaðinum ella ikki.

Tað sigur Landsfelag Pensjonista í einari áheitan á politisku flokkarnar. Landsfelag Pensjónista hevur fleiri ynski, nú løgtingsval stundar til.

Felagið hevur sent út fýra punkt, sum tey vilja hava politisku flokkarnar at taka við í valskránna:

▪ Útgjaldið frá Samhaldsfasta skal vera skattafrítt

▪ Skattafría grundupphæddin (í fólkapensjónini) skal hækkast við í minsta lagi 580 krónum

▪ Mótrokningarfría inntøkan skal hækkast upp til 100.000 krónur

▪ Tað skal lóggevast, at tað er ikki loyvt at siga fólki upp vegna aldur

Tað sigur Landsfelag Pensjonista í sínum ynskilista til politisku flokkarnar í valstríði.