Bjargað frá náttúrueldi

Tvey útlendsk ferðafólk og grønlendski ferðaleiðari teirra sendu út neyðarróp, tá tey einki sóu í øllum roykinum, skrivar grønlendska kringvarpið, KNR.

Sambært KNR bað løgreglan í fyrsta umfari eina rututyrlu, sum var á veg úr Sisimiut til Kangerlussuaq, um at fara og leita eftir fólkunum, men hendan tyrlan fann tey ikki.

Síðani bleiv Seahawk-tyrlan hjá Arktiskt komando send at leita, og við serligu leitingarútgerð síni, fann tyrlan fólkini og fekk tey til hús í øllum góðum. Eftir eina læknakanning, varð staðfest, at øll trý fólkini høvdu tað gott.