Fjórðings kilometur boraður

Nú eru tilsamans 251 metrar boraðir í Sandoyartunlinum. Teir 251 metrarnir eru allir boraðir í Traðardali á Sandoynni, tí boringin á Gomlurætt er ikki heilt komin í gongd enn.

– Fyrireikingarnar og inntakið til sjálva boringina eru byrjaðar, men enn er eingin metur boraður Streymoyarmegin, sigur Teitur Samuelsen, stjóri í P/f Eystur- og Sandoyartunlar.

Sandoyartunnilin verður 10,8 kilometrar langur, og verður ætlandi liðugur í desember í 2023. Kostnaðurin á Sandoyartunlinum er mettur til umleið 1,3 milliardir krónur.

Samlaða verkætlanin, at gera Eystur- og Sandoyartunnilin, er mett at kosta 2,64 milliardir krónur.