703 næmingar fyrstu ferð í skúla

703 næmingar fyrstu ferð í skúla
76 næmingar byrja á Skúlatrøð í Klaksvík í morgin og 73 næmingar í Skúlanum á Fløtum í Havn
 
18.08.2019 - 16:34

703 næmingar fara í skúla fyrstu ferð, tá nýggja skúlaárið byrjar í morgin.

Skúlastjórin á Skúlatrøð í Klaksvík tekur ímóti flestu næmingunum, sum fara í skúla fyrstu ferð. 

76 næmingar byrja á Skúlatrøð, og í Skúlanum á Fløtum í Havn fara 73 næmingar fyrstu ferð í skúla í ár.

Tað eru í høvuðsheitum børn, sum er fødd í 2012, sum nú fara í skúla.

607 børn vórðu fødd í 2012, men síðani eru umleið 100 børn komin aftrat í árganginum. 

Meira enn 7.000 næmingar

At nógv børn eru flutt til Føroya úr øðrum londum, ger, at næmingatalið í fólkaskúlanum er farið upp 7.000 næmingar, og útlit eru til, at næmingatalið fer at vaksa spakuliga næstu árini, sigur Undirvísingarstýrið.

44 fólkaskúlar eru í landinum. 

Tríggir skúlar hava meira enn 500 næmingar, 16 skúlar hava millum 100 og 500 næmingar, og 25 skúlar hava færri enn 100 næmingar. 

Av teimum 44 skúlunum eru tríggir frískúlar, og teir hava tilsamans 197 næmingar. 

Tveir frískúlar hava eisini forskúla. 
 

Er kopiera
Nýggjastu sendingar í ÚV
Fríggjadag 20. november
Vikuskiftið 20 nov 2026
216752
Fríggjadag 20. november
LEITISSTEIN 20.11.2026 (Linda Andrews)
216750
Fríggjadag 20. november
Breddin: Leigubústaðir og skattafyrimunir
216730
Fríggjadag 20. november
Beinleiðis úr Studio 5 - Nettupp
216723
Fríggjadag 20. november
RagnarRokk:Chris Flynn um Dreams of the Disappeared
215804
Nýggjastu sendingar í SV
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592