Ger aftur eina roynd

Ger aftur eina roynd
Bretski forsætisráðharrin, Boris Johnson, ger nú aftur eina roynd at fáa ES at endurskoða avtaluna um brexit
 
20.08.2019 - 15:26

Boris Johnson hevur skrivað ES-forsetanum, Donald Tusk, bræv, har hann heitir á ES um at strika regluna um markið millum Norðurírland og Írland.

Avtalan, sum Theresa May, fyrrverandi forsætisráðharri, gjørdi við ES, sigur, at markið millum Norðurírland, sum hoyrir til Bretland, og ES-landið Írland skal vera opið, til Bretland hevur gjørt eina handilsavtalu við ES.

Men tey, sum finnast at hesi regluni, teirra millum Boris Johnson, stúra fyri, Bretland noyðist at ganga undir ES-treytir í óásetta tíð.

 >> SÍ EISINI – Brexit-tilgongdin verður ávirkað

Myndugleikarnir í Brússel hava fleiri ferðir boðað frá, at ES fer ikki at samráðast við Bretland um eina nýggja avtalu.

Boris Johnson fer seinni í vikuni at hitta týska samveldiskanslaran, Angelu Merkel, og franska forsetan, Emmanuel Macron.

Um vikuskiftið verður G7-toppfundur í Fraklandi, og bretski forsætisráðharrin verður eisini á hesum fundinum.

Er kopiera
Nýggjastu sendingar í ÚV
Nýggjastu sendingar í SV
Hósdag 28. mars
Guðstænasta úr Kollafjarðar kirkju
172938
Týsdag 26. mars
Veðrið
172832
Mánadag 25. mars
Beautyvarpið við Tanju
172718
Sunnudag 24. mars
Mein fyri lívið
172652