Føroyar við í danskari kapping um ferðavinnu

Føroyar eru við, tá Danish Travel Awards 2019 verður í Keypmannahavn 2.oktober.

Føroyar eru við í fýra innstillingum.

Atlantic Airways er innstillað sum besta evropeiska rutuflogfelag og besta charterflogfelag.

Føroyar eru innstillaðar sum besta land í Evropa at ferðast í, og Smyril Line er innstillað sum besta ferðafólkareiðarí.

Nummar eitt í fjør

Atlantic Airways vann bólkin besta charterflogfelag í fjør.

20 bólkar eru í kappingini, sum í ár verður hildin fyri 24.ferð. 300 innstillingar eru.

2.500 fólk finna vinnararnar í Danish Travel Awards 2019, sum talgildi miðilin Standby stendur fyri.    

Greiningarfyritøkan Epinion ger kappingina fyri Standby.