Munurin millum inn og út framvegis lítil

Munurin millum innflutning og útflutning er framvegis undir milliardini.

Nýggjastu tølini frá Hagstovuni eru fyri juni. 

Frá juli í fjør til juni í ár varð útflutt fyri átta milliardir og 523 milliónir krónur.

Innflutningurin var sjey milliardir og 703 milliónir krónur.

Munurin er 820 milliónir.

Innflutningurin vaks dupult so skjótt sum útflutningurin frá juli í fjør til juni í ár.

Nakað er síðani, at munurin fór niður um milliardina.