Bjarga eisini nógvum føroyingum

Tað sigur Hans Erik Gunnleygsson Jakobsen, leiðari á Tyrlutænastuni, í samrøðu við útvarpið í dag.

Ofta verður sagt, at vaksandi ferðafólkatalið hevur við sær størri trýst á bjargingartænastuna, tí ferðafólk ganga seg í óføri. Men leiðarin á Tyrlutænastuni heldur, at hetta er at gera ov nógv av.

– Í flestu førum verður tyrlan boðsend eftir føroyingum. Tað er helst tekin um, at føroyingar eru farnir at ganga meira í náttúruni, enn teir hava gjørt, sigur Hans Erik Gunnleygsson Jakobsen.