Ósemja elvdi til sorgarleik

Teir báðir menninir stóðu á odda umborð á einum sjóverjuskipi í Miðalhavinum og fyri sjálvari sjóverjuni.

Teir eru skuldsettir fyri ikki at hava tikið fleiri ávaringar í álvara, áðrenn skipið fórst. Minst 260 fólk druknaðu av teimum 480 fólkunum, sum vóru umborð á skipinum.

240 fólk komu ikki afturíaftur

Myndugleikarnir á Malta søgdu seg ikki hava ábyrgdina av libyska skipinum, tí tað var statt bara 60 fjórðingar úr italsku oynni, Lamedusa, og eitt italskt sjóverjuskip var bara 45 minuttir frá libyska skipinum.

Meðan myndugleikarnir í Italia og á Malta ikki kundu semjast um, hvør skuldi hjálpa skipinum, sakk skipið. 26 deyð vórðu funnin, men 240 fólk komu ikki afturíaftur, teirra millum vóru 60 børn.

Eina viku frammanundan druknaðu minst 360 fólk útfyri Lampedusa. Tann hendingin fekk nógva umrøðu, bæði í italskum og altjóða miðlum.