Carrie Lam fekk ikki frið at halda talu í tinginum

Tað skrivar BBC.

Fundarslitið merkir m.a., at uppskotið um at fáa avtalu við Kina um at útflýggja borgarar í Hongkong til rættarsókn í Kina, formelt ikki kann takast aftur. Hetta er fyrsti fundur í lóggávutinginum síðani mótmælisfólk í julimánaði tóku seg inn í bygningin. 

Tingið varð sent til hús í juli, men mótmælini hava hildið fram uttan íhald. 

Tá Carrie Lam fór á røðarapallin í morgun, vístu fleiri tjóðartingslimir plakatir við slagorðinum, "Fimm krøv - ikki minni."

Síðani mótmælini byrjaðu í juni í ár eru krøvini víðkað frá at taka aftur uppskotið um at útflýggja borgarar til Kina til fimma høvuðskrøv, - millum annað atkvøðurætt. Politikarar hava heitt á Carrie Lam um at leggja frá sær, men hon hevur ikki latið við seg koma. 

Í dag skuldi hon endurreisa álitið, og leggja fram ætlaninar fyri bústaðarøkið. Hon helt tó taluna aðrastaðni í parlamentinum. Talan var tikin upp á video og send í sjónvarpi.