Ísrael finst at avgerðini at lata Pillay friðarheiðurslønina

Ísrael finst hvassliga at avgerðini um at lata Navi Pillay friðarheiðursløn Nobels.

- Nú Nobelnevndin hevur heiðrað størstu lygnina í 21. øld, klappar Joseph Goebbels ivaleyst í helviti.

Soleiðis skrivar ísraelska uttanríkisráðið á sosiala miðlinum X.

Joseph Goebbels var propagandamálaráðharri í Nazitýsklandi undir seinna heimsbardaga.

Ísraelska stjórnin er sera ónøgd við, at suðurafrikanski løgfrøðingurin, Navi Pillay, hevur fingið friðarheiðurslønina.

Pillay stóð á odda fyri einari óheftari ST-nevnd, sum kannaði brot á mannarættindi og krígslógir í Ísrael og hersettu palestinsku økjunum.

Í september í fjør kom nevndin til ta niðurstøðu, at Ísrael fremur fólkadráp í Gasa.

Hetta hevur Ísrael staðiliga afturvíst.