Málið ikki tikið uppaftur

31.10.2019 - 14:53
AktueltUmhvørvi
Málið ikki tikið uppaftur
Yvirfriðingarnevndin tekur ikki uppaftur málið um grótið úr Sandoyartunlinum, sum verður tyrvt á Velbastað
Grótið úr Sandoyartunlinum verður Streymoyarmegin koyrt niðan í hagan á Velbastað, har bøur síðani skal leggjast omanyvir
Mynd: © Bjarni Árting Rubeksen  
 

Tað hevur nevndin boðað Annfinni Brekkstein, sum býr á Velbastað, og sum eisini er býráðslimur í Havn, frá.

Hann bað Yvirfriðingarnevndina viðgera málið av nýggjum, tí, sum hann sigur, tað er vánaligasta loysnin fyri náttúruna at tyrva grótið.

 >> SÍ EISINI 3.000 lastir av tunnilsgróti í hagan

Yvirfriðingarnevndin gav annars loyvi í 2016 til at tyrva triðingin av grótinum úr Sandoyartunlinum í hagan á Velbastað.

– Men nevndin kann viðgera mál av nýggjum, um serligar umstøður tala fyri tí. Í hesum málinum eru ongar serligar umstøður, sigur Henrik Møller, formaður í Yvirfriðingarnevndini.

Náttúran á staðnum, har grótið verður tyrvt á Velbastað, er ikki so serlig, at neyðugt er at varðveita hana, sigur samda Yvirfriðingarnevndin í svarinum til Annfinn Brekkstein.

 >> SÍ EISINI Sí myndirnar: Her verður grótið úr tunlinum tyrvt

Annfinn Brekkstein sigur í dag við Kringvarpið, at hann hevur ilt við at virða avgerðina hjá Yvirfriðingarnevndini, men hann góðtekur hana. Hann fer ikki at gera ikki meira við málið nú.

– Tíðin er nú komin til at dagføra náttúruverndarlógina so hon er meira tíðarhóskandi og tekur meira atlit til umhvørvið, sigur Annfinn Brekkstein.

Grót úr Sandoyartunlinum verður í løtuni tyrvt niðan fyri vegin á Velbastað. Eftir nýggjár verður væntandi byrjað at tyrva grótið hinumegin vegin.


 

 
Nýggjastu sendingar í ÚV
Leygardag 18. januar
Á Quiztinum: 1. innleiðandi umfar
103535
Leygardag 18. januar
Vanlukkan í Vesturísinum (2:8)
103094
Leygardag 18. januar
Leygardagur 18. januar 2020
103528
Nýggjastu sendingar í SV
Fríggjadag 17. januar
Hyggjuráðið
103513
Hósdag 16. januar
Nóllywood (2:2)
103104
Mikudag 15. januar
Mentanarvirðislønir landsins 2019
103404