Leggur arbeiðið við fíggjarlógini til rættis

Fíggjarnevndnin hjá løgtinginum hevur fund mánadagin, eftir tingfundin.

Tá fer nevndin at leggja til rættis arbeiðið við uppskotinum um fíggjarlóg fyri 2020.

Fíggjarnevndin hevur ikki fingið politikkin í fíggjarlógini úr landsstýrinum enn.

Uppskotið, sum varð lagt fram 30.september, er bara fíggjarlógin fyri í ár, sum er framskrivað, tí samgongan hevði ikki stundir til at gera nýtt fíggjarlógaruppskot.

Men landsstýrið arbeiðir við tí nú og sendir síðani Fíggjarnevndini uppskotið og biður hana broyta upprunaliga uppskotið sambært tí.