Hoyvíkssáttmálin heldur fram

Løgtingið samtykti hesa tíðina í fjør at siga Hoyvíkssáttmálan upp, tí løgtingið hevði samtykt, at øll útlendsk feløg skuldu úr føroysku fiskivinnuni eftir nøkrum árum.

Í heyst hava samráðingar verið millum londini um sáttmálan, og eftir ráðførslu í Uttanlandsnevndini, gjørdi ein stórur partur av nevndini av at heita á landsstýrismannin um at ógilda uppsøgnina av Hoyvíkssáttmálanum. 

Fleiri broytingar gjørdar

Tveir av limunum í Uttanlandsnevndini vildu hava landsstýrismannin at gera onkrar broytingar gjørdar fyrst, og tær eru gjørdar, sigur Jenis av Rana, landsstýrismaður.

– Fleiri broytingar verða gjørdar í sáttmálanum, sigur Jenis av Rana, landsstýrismaður.

Uppskot til samtyktar skulu bara hava tvær viðgerðir í løgtinginum. Tí roknar landsstýrismaðurin við, at løgtingið avgreiðir uppskotið, áðrenn tað fer í jólafrí, so Hoyvíkssáttmálin kann halda fram.