Yvirlýsing: Barnaárini hoyra børnunum til, ikki tøknirisunum

Barnaárini hoyra børnunum til, ikki tøknirisunum.

Tað er boðskapurin í yvirlýsingini, sum teir átta norðurlendsku stjórnarleiðararnir hava kunngjørt á Norðurlandaráðsfundinum í Helsinki fyrrapartin.

Í yvirlýsingini verður ávarað um, at snildfonir, sosialir miðlar og vitlíki kunnu hava álvarsligar avleiðingar fyri trivnað, sálarheilsu, læring og menning hjá børnum og ungum.

Stjórnarleiðararnir vilja tí herða reglurnar fyri snildfonir, tøknirisar og sosialar miðlar.

Tøknirisar skulu ikki eiga barnaárini

Millum átøkini eru aldursmørk á sosialum miðlum, færri snildfonir í skúlum og tiltøk móti vanaskapandi algoritmum og sniðgeving.

Boðskapurin í yvirlýsingini er í stuttum: Barnaárini hoyra børnunum til, ikki tøknirisunum.

Beinir Johannesen, løgmaður, sigur, at  Føroyum eru átøk sett í verk, og arbeitt verður við at seta aldursmark á sosialar miðlar umframt at fáa snildfonir úr skúlunum.

- Men tað er sjálvandi enn sterkari, tá øll Norðurlond nú standa saman. Eg havi gott álit á ungdóminum í Føroyum, men tað er uppgávan hjá okkum øllum – bæði politikarum, foreldrum og myndugleikum – at skapa bestu fortreytirnar hjá teimum at trívast, sigur løgmaður.

Les meira her.