Dani vildi fíggja Islamskan Stat

29 ára gamli maðurin er skuldsettur fyri at royna at samla pening inn til Islamskan Stat. Ætlanin var, at peningurin skuldi sendast til IS í Libya og í Mali. Tað er Avisen Danmark, sum hevur fingið innlit í ákæruna.

Seks onnur eru eisini fongslaði í málinum. Trý teirra eru undir illgruna fyri at hava ætlanir um at gera bumbur burturúr evninum TATP, ið er sera spreingikvæmt.

Tvey av teimum fongslaðu eru undir illgruna fyri at hava ætlanir um at keypa byrsur, ljóðkøvarar og lóður til eina ætlaða yvirgangsatsókn.

Berlingske skrivar, at ein av teimum handtiknu hevur tætt samband til sokallaðu Sýria-Jihadistarnar, sum eru farnir úr Danmark til Sýria fyri at stuðla Islamska Statinum. 

Málið hevur higartil verið sera loyndarfult, tí danskir miðlar vórðu útihýstir úr Eystara Landsrætti tá málið kom fyri rættin.