Tveir mans fóru fyri borð

Norska bjargingarmiðstøðin setti fyrrpartin leiting í gongd í Norskahavinum eftir tveimum av manningini, sum vóru við einum farmaskipi.

Skipið, Stara Planina, sum er 186 metrar langt, var á veg úr Murmansk í Russlandi til Constanta í Rumenia. Skipið, sum siglir undir maltesiskum flaggi, er statt 200 fjórðingar í útsynning úr Bodø.

Boðini til bjargingarmiðstøðina vóru, at tveir av manningini vóru farnir fyri borð. Veðrið á leiðini er ringt, átta metrar høgar aldur og stormur.

Tveittu boyur út

Manningin á farmaskipinum kastaðu markeringarboyur út, eftir at menninir vóru farnir fyri borð.

Tað er tó óvist, um menninir fingu fatur í boyurnar, sum vórðu tveittar út, sigur leiðarin á høvuðsbjargingarmiðstøðini, Tor Erik Thorkildsen, við norska Tv2.

Tvær bjargingartyrlur leita eisini, men tyrlurnar vóru ikki á leiðini fyrr enn nakað eftir klokkan tvey í dag.

Tor Erik Thorkildsen sigur, at roynt verður at fáa eitt Orion-flogfar á flog.

Tað skal gera yvirlitstúrar.