Heini metir um spentu støðuna í Miðeystri

Støðan millum Iran og USA er vorðin sera spent, eftir at amerikanarar í nátt drupu ein iranskan herovasta, meðan hann var staddur í Irak. 

Iran hevur svorið hevnd, og samstundis verður stúrt fyri, at spenta støðan kann fáa álvarsligar avleiðingar fyri USA og alt Miðeystur.

Tá fríggjadagsbøn var í iranska høvuðsstaðnum Teheran í dag, róptu túsundtals fólk "Deyði yvir Amerika, " og tey kravdu, at Iran hevnir USA fyri at hava dripið iranska herovastan, Qassem Soleimani.

Heini í Skorini er ph.d í altjóða politikki, og í kvøld fer hann at meta um støðuna, tá hann verður gestur í Degi og Viku.

BBC gjørdi í fjør eina dokumentarsending um Qassem Soleimani, sum á donskum hevur fingið heitið "Skyggegeneralen."

Sendingin kann síggjast her