Stjórin á Tjóðpallinum: Viðgera nú umsóknirnar

Stjórin á Tjóðpallinum: Viðgera nú umsóknirnar
15 umsóknir eru til starvið, men ivasamt er, um tað verður sett frá 1. februar sum ætlað
Jenny Petersen hevur verið stjóri á Tjóðpallinum í 15 ár
 
14.01.2020 - 11:15

Leiklistaráðið er farið undir at viðgera tær 15 umsóknirnar, sum komu til starvið sum stjóri á Tjóðpalli Føroya.

Enn er støða ikki tikin til, hvussu nógvir av umsøkjarunum skulu til samrøðu, men tað verður væntandi gjørt, tá ráðið aftur fer at hava fund í hesi vikuni, sigur forkvinnan í Leiklistaráðnum, Ingibjørg Berg.

15 fólk søktu stjórastarvið, 11 mans og fýra kvinnur.

Umsóknir eru úr Føroyum, Danmark, Íslandi og úr Finlandi.

Av tí at umsóknir eru úr øðrum londum eisini, er ivasamt, um starvið verður sett frá 1. februar, sum ætlanin hevur verið.

Fólk, sum hava søkt starvið, hava eisini uppsagnartíð frá starvinum, sum tey eru í, og tað má eisini takast við í viðgerðina, sigur forkvinnan í Leiklistaráðnum.

Áramálssett starv

Starvið er áramálssett til 5 árog lønt sambært 37. lønarflokki í sáttmála millum Tænastumannafelagið og Fíggjarmálaráðið, tó uttan at vera tænastumannastarv. 

Fíggjarætlanin hjá Tjóðpallinum er slakar seks milliónir kr. Góðar fimm milliónir eru almenn játtan, og eginfíggingin er umleið 850.000 kr.

Á stovninum starvast, umframt stjóran, eitt skrivstovufólk og í ársmiðal 10-12 verkætlanarsett starvsfólk í styttri ella longri tíðarskeið. 

Tjóðpallurin setur í miðal fýra leikverk upp um árið. 

Í løtuni er Jenny Petersen stjóri á Tjóðpallinum, og tað hevur hon verið í 15 ár.

Er kopiera
Nýggjastu sendingar í ÚV
Fríggjadag 20. november
Vikuskiftið 20 nov 2026
216752
Fríggjadag 20. november
LEITISSTEIN 20.11.2026 (Linda Andrews)
216750
Fríggjadag 20. november
Breddin: Leigubústaðir og skattafyrimunir
216730
Fríggjadag 20. november
Beinleiðis úr Studio 5 - Nettupp
216723
Fríggjadag 20. november
RagnarRokk:Chris Flynn um Dreams of the Disappeared
215804
Nýggjastu sendingar í SV
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592