Fleiri skalvalop í Íslandi

15.01.2020 - 07:02
AktueltÚtheimurin
Fleiri skalvalop í Íslandi
Trý stór skalvalop vóru stutt fyri midnátt á Vestfjørðum í Íslandi, tvey vóru í Flateyri og eitt í Súgandafirði
Eingin sigst hava fingið álvarsligan skaða í trimum skalvalopum, sum vóru í Íslandi í nátt
Mynd: © RUV/lesaramynd  
 

Bjargingarlið eru send til økið, og neyðstøða er lýst í Flateyri og Suðureyri orsakað av skalvalopinum. Eingin hevur fingið álvarsligan skaða, men neyðugt varð at grava út eina unga gentu á Flateyri. 

Men hildið verður, at stórur materiellur skaði er. Íbúgvarnir á Flateyri og í Súgandafirði er bidnir um at halda seg innadurða fyribils, og íbúgvar í Súgundafirði eru bidnir um at halda seg burtur frá havnini.

Greinin heldur fram niðanfyri



Mynd: Soleiðis sær verjan, sum varð gjørd fyri at verja móti skalvalopum, oman fyri Flateyri, út (mynd: Eyðun Myllá, mars 2018)

Íslendska kringvarpið, RÚV, sigur, at tað tykist, sum um verjurnar móti skalvalopi oman fyri Flateyri, hava vart meginpartin av bústaðarøkjunum í býnum. Men skalvalopið rakti tó nøkur hús, og havnina í Flateyri, har fleiri bátar vóru tiknir við út á sjógv.

Íslendska sjóverjan hevur sent sjóverjuskipið Tór til Flateyrar við 35 bjargingarfólkum umborð. Um viðrar, verður ein tyrla eisini send til Flateyrar, skrivar RUV.

Í januar 1995 var skalvalop í Suðavík og tá doyðu 14 fólk. Og 26. oktober 1995 var eisini skalvalop á Flateyri, og tá doyðu 20 fólk.

 
Nýggjastu sendingar í ÚV
Hósdag 27. februar
Nón 27. februar 2020
105374
Hósdag 27. februar
Mono: Beach Boys (4:5)
105370
Hósdag 27. februar
LEITISSTEIN 24.02.2020 (1t)
105366
Hósdag 27. februar
Dagsins yrking - Millum aldurnar
104578
Nýggjastu sendingar í SV
Mikudag 26. februar
Úr savninum: Ymisk lív
105296
Mánadag 24. februar
Upp á gólv - í Skálanum
105214
Mánadag 24. februar
3-2
105221
Sunnudag 23. februar
Andakt við Carsten Fonsdal Mikkelsen
105169