Stríðsval um formanssessin

Líkt er til, at stríðsval verður um formanssessin í Starsvmannafelagnum á aðalfundinum 7.mars.

Tí tvey valevni eru.

Súni Selfoss, sum er formaður nú, stillar upp, og Gunnar Hjelm, sum er portørur á Landssjúkrahúsinum, hevur eisini stillað upp.

Men valbærið hjá honum verður kannað í løtuni, tað er, um hann kann stilla upp sambært viðtøkum felagsins.

Aðalfundur 7. mars

Tveir nevndarlimir skulu eisini veljast á aðalfundinum 7.mars.

Freistin at bjóða seg fram sum nevndarlimur er til 1.februar.

Tveir tiltakslimir skulu harafturat veljast. Tann uppstillingin verður á aðalfundinum.

Formaðurin verður valdur fyri fýra ár. Nevndarlimirnir verða valdir fyri trý ár og tiltakslimirnir fyri eitt ár. 

Í Starvsmannafelagnum eru 2.000 limir.