Sethúsaeigarar hava meiri pening eftir

Sethúsaeigarar hava meiri pening eftir
Orsøkin er lága rentan, minni skattur og hægri lønir, vísir ein greining hjá Betri Banka
 
23.01.2020 - 15:43

Minni partur av inntøkuni fer nú at til gjalda fyri bústað, enn fyri fíggjarkreppuna fyri 10-12 árum síðani.

Tað vísir ein greining hjá Betri Banka.

Orsøkin er rentan, sum er metlág, lægri inntøkuskattur, og at lønirnar eru hækkaðar.

Greiningin er gjørd við støði í meðal sethúsaprísum og meðal inntøkum. Hon vísir, at beint fyri fíggjarkreppuna í 2008-2009 fór størri partur av inntøkuni til bústað enn nú.

Millum trý og átta prosent

Í Havn hava fólk í meðal átta prosent meira av inntøkuni eftir, tá parturin til bústað er goldin.

Aðrastaðni í landinum er munurin millum trý og átta prosent.

Tað merkir, at hóast sethúsaprísirnir eru hækkaðir nógv seinastu árini, fer minni partur av inntøkuni til bústað nú.

Lág renta og størri lønarinntøka

Umframt lágu rentuna og størri lønarinntøkur, er orsøkin til broyttu støðuna eisini, at inntøkuskatturin sum heild er lækkaður, og flestu kommunur hava hækkað barnafrádráttin, sigur Betri Banki.

Í 2007 var bústaðarrentan 7,25 prosent, og meðal lønarinntøkan var 267.000 kr.

Í løtuni er bústaðarrentan 2,95 prosent, og meðal lønarinntøkan er 361.000 kr. 

 

 

 

 

Er kopiera
Nýggjastu sendingar í ÚV
Fríggjadag 20. november
Vikuskiftið 20 nov 2026
216752
Fríggjadag 20. november
LEITISSTEIN 20.11.2026 (Linda Andrews)
216750
Fríggjadag 20. november
Breddin: Leigubústaðir og skattafyrimunir
216730
Fríggjadag 20. november
Beinleiðis úr Studio 5 - Nettupp
216723
Fríggjadag 20. november
RagnarRokk:Chris Flynn um Dreams of the Disappeared
215804
Nýggjastu sendingar í SV
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592