Uppskotið um útgjald longu komið í tingið

24.01.2020 - 07:41
AktueltPengar
Uppskotið um útgjald longu komið í tingið
Tvey tingfólk hava lagt fram uppskot til samtyktar um at javnseta útgjald til menn og kvinnur, tá umræður lívrentutryggingar
Útgjaldið frá lívstryggingarfeløgum er longu komið í løgtingið
Mynd: © Bjarni Árting Rubeksen  
 

Útgjaldið frá lívstryggingarfeløgum er longu komið í løgtingið. Tingfólkini hjá Framsókn, Ruth Vang og Bjarni Kárason Petersen, hava lagt fram uppskot til samtyktar um at javnseta útgjald til menn og kvinnur, tá umræður lívrentutryggingar.

Tey siga, at nú fáa kvinnur 13 prosent minni enn menn um mánaðin. Orsøkin til, at kvinnur fáa minni um mánaðin enn menn, er tann, at kvinnur liva í miðal longri enn menn.

Ruth Vang og Bjarni Kárason Petersen vilja hava løgtingið at heita á landsstýrið um gera uppskot um, at lívrentutryggingar, sum verða teknaðar frá 1.januar 2021, hava somu treytir fyri kvinnur og menn.

 >> SÍ EISINI Pensjónsskipanin: Ætlar ikki at javnseta kynini

Tey vísa á, at í Danmark er størri munur millum akademikarar og ófaklærd enn millum kvinnur og menn, tá talan er um at liva leingi. Munurin er næstan dupult so stórur.

Útbúgving hevur størri ávirkan á livialdurin enn kyn, siga tey bæði. Tey vísa eisini á, at fólkapensjón, Samhaldsfasti, tænastumannapensjón og tingmannapensjón gera ikki mun á kvinnum og monnum. 

Ruth Vang og Bjarni Kárason Petersen siga, at torført er at broyta treytirnar fyri lívrentutryggingar, sum longu eru teknaðar. Tí mæla tey til, at broytingin kemur 1. januar 2021.

 
Nýggjastu sendingar í ÚV
Hósdag 27. februar
Nón 27. februar 2020
105374
Hósdag 27. februar
Mono: Beach Boys (4:5)
105370
Hósdag 27. februar
LEITISSTEIN 24.02.2020 (1t)
105366
Hósdag 27. februar
Dagsins yrking - Millum aldurnar
104578
Nýggjastu sendingar í SV
Mikudag 26. februar
Úr savninum: Ymisk lív
105296
Mánadag 24. februar
Upp á gólv - í Skálanum
105214
Mánadag 24. februar
3-2
105221
Sunnudag 23. februar
Andakt við Carsten Fonsdal Mikkelsen
105169