- Tíðindi, mentan og ítróttur
Kyndil og H71 í steypafinaluni
Kyndil og H71 í steypafinaluni
Við trýmáls sigri hálaðu Kyndilsmenn munin inn aftur í seinnu hálvfinaluni móti VÍF, men spenningur var um hitt finaluplássið til seinasta bríksl
![](https://kvf.fo/sites/default/files/styles/grein-ovasta-mynd/public/20200206_hondboltur_h71_neistin_fyrra_steypafinalan_stroyming_0045.jpg?itok=atBKTM3d)
09.02.2020 - 17:29
Ein sigur við minst trimum málum var eitt krav, skuldi Kyndil tryggja sær pláss í steypafinaluni. Og hetta var júst tað, teir grønu vunnu sær á heimavølli í seinnu hálvfinaluni. Kyndil var omaná frá byrjan í dystinum, sum endaði 30-27.
Í hinari hálvfinaluni var spenningur til síðsta bríksl. H71 vann fyrru hálvfinaluna við einum máli, og í dag hevði Neistin so greiða yvirvág gjøgnum stóran part av dystinum, at teir leingi vóru á veg í steypafinaluna. Men hoyvíkingar fótaðu sær í seinna hálvleiki, og dysturin endaði við javnleiki 21-21.
Samanlagt vunnu Kyndil og H71 sostatt sínar hálvfinalur við bert einum máli, og tey hittast tí í steypafinaluni, sum verður spæld komandi leygardag.
Nýggjastu sendingar í ÚV
Nýggjastu sendingar í SV