Standmynd av Grími Kamban í Funningi

Ein standmynd skal setast upp í Funningi. Hon verður av Grími Kamban, sum sambært Føroyingasøgu er fyrsti maður, sum kom til Føroya. Tað var í 825, og hann fór í land í Funningi.

Málið verður viðgjørt á býráðsfundi í Runavikar kommunu í morgin.

Eftir uppskoti frá borgarstjóranum mælir Fíggjarnevndin til at brúka tær 25.000 kr, sum gamla Funnings kommuna fær í sín lut, tá Eiðis kommuna hevur keypt læknahúsini á Eiði frá Sunda kommunu og Runavíkar kommunu, sum stovnsfæ til ætlanina um standmyndina.

Nýtt valstað

Skála skal hava nýtt valstað. Húsið hjá Eldrafelagnum Kumlá, har sum valstaðið hevur verið í nógv ár, er selt.

Tí er neyðugt at flyta valstaðið. Fíggjarnevndin hjá Runavíkar kommunu mælir til, at valstaðið verður í Ítróttarhøllini á Skála.