Corona: Fleiri kannað - øll úrslit negativ

Eftir at fyrsti tilburðurin av corona-virusi varð staðfestur í gjár, eru fleiri fólk kannað í dag, men øll úrslit eru negativ, sigur Heilsumálaráðið í tíðindaskrivi í kvøld.

Framvegis er bara ein persónur í Føroyum, sum hevur fingið staðfest COVID-19-smittuna.

Landslæknin hevur avbyrgt tilsamans 15 fólk. Átta eru á Hotel Vágum, og hini sjey eru avbyrgd heima við hús, sigur Heilsumálaráðið.