600 fleiri løntakarar í fjør

Í desember í fjør vóru 28.060 løntakarar, 600 fleiri enn árið fyri, vísa tøl hjá Hagstovuni.

Tað legst aftrat løntakaraskaranum, men vøksturin er minni nú, sigur Hagstovan.

Í desember vóru umleið 14.600 menn og 13.450 kvinnur løntakarar, 52 prosent menn og 48 prosent kvinnur. 

Seinasta árið hevur lítil og eingin vøkstur verið í løntakaratalinum í privatu tænastuvinnunum. Tað eru góð tvey ár síðani, at vøksturin í privatu tænastuvinnunum fór at minka.

Vøkstur er framvegis í hinum vinnugreinabólkunum, sigur Hagstovan.