Løgtingið: Seks almannamál fáa fyrstu viðgerð

12.03.2020 - 08:46
AktueltPolitikkur
Løgtingið: Seks almannamál fáa fyrstu viðgerð
Elsebeth M. Gunnleygsdóttir, landsstýriskvinna í almannamálum, eigur uppskotini, sum koma til viðgerðar í tinginum í dag
Mynd: Bjarni Árting Rubeksen  
 

Seks lógaruppskot fáa fyrstu viðgerð í tinginum í dag, og tey eru øll úr Almannamálaráðnum.

Millum málini er lógini um almannatrygd og tænastur, eisini nevnd vælferðarlógin, og broytingar í øðrum lógum, sum eru fylgilógir hjá vælferðarlógini.

Eitt uppskot er um at broyta løgtingslógina um heimatænastu, eldrarøkt v.m.

Endamálið við hesi lógini er at greiða nøkur av teimum ivamálum um ábyrgdarbýti, sum hava verið millum land og kommunur, síðani eldraøkið varð lagt út til kommunurnar at umsita í 2015.

Skulu ikki detta niðurímillum

Landsstýriskvinnan sigur seg við hesum vilja tryggja, at borgarar ikki detta niðurímillum, tí viðurskiftini millum land og kommunur eru ógreið.  

Ivi hevur eisini verið um, hvør hevur ábyrgd av fólkum undir 67 ár, sum hava demens. 

Hesir borgarar hava havt tilboð um dagtilhald í Havn, men nú verður eisini fyrireikað landsfevnandi dagtilhald uttan fyri høvuðsstaðarøkið, so at fleiri borgarar undir pensjónsaldur við demens kunnu fáa dagtilhald, stendur í lógaruppskotinum.

Tingfundurin byrjar klokkan 10.

Er kopiera
Nýggjastu sendingar í ÚV
Mánadag 17. januar
Við Tórði á túri um staðarnøvn
134177
Mánadag 17. januar
Nón - 17. januar 2021
134169
Mánadag 17. januar
Norðurljóð 17.januar 2022
133666
Mánadag 17. januar
Nogvir spennandi venjarar í Betri-deildini
134160
Mánadag 17. januar
Greidleiki er lítið brúkt
134135
Nýggjastu sendingar í SV
Mánadag 17. januar
3-2
134193
Sunnudag 16. januar
Hondbóltur: Føroyar - Lettland
134104
Sunnudag 16. januar
10-mannaførini 2021
134102
Sunnudag 16. januar
Hondbóltur: Luksemburg - Føroyar
134089
Sunnudag 16. januar
Hvør veit?
134088