Nú verður veiðidagbókin talgildað

Fiskifør, sum eru størri enn 15 tons, skulu frá 1.september í ár føra talgilda - elektroniska - veiðidagbók.

Tað ætlar Fiskimálaráðið, sum hevur sent uppskot um kunngerð um tað til hoyringar.

Nógv skip brúka longu elektroniska dagbók, sigur Vørn. Tað er møguligt, men ikki nakað krav, sambært galdandi kunngerð.

Onnur fiskifør siga seg bíða, til teimum verður álagt at føra elektroniska veiðidagbók.

Fiskiførini skulu gjalda fyri tað, sum krevst fyri at føra elektroniska veiðidagbók, sigur uppskotið um kunngerð.