Støðan hjá teimum sjúku góð eftir umstøðunum

Tvey fólk eru á Landssjúkrahúsinum, tí tey hava koronasmittuna. Annað teirra er síðst í trítatiárinum og hitt í fýrsunum

Tummas í Garði, varastjóri í sjúkrahúsverkinum, sigur, at støðan hjá sjúklingunum er góð eftir umstøðunum, støðan er ikki hættislig, ella kritisk, sum sagt verður á læknamáli.

Landssjúkrahúsið hevur riggað eina deild til koronasjúklingar. Fyribils eru sjey einastovur í henni.

Tummas í Garði veit ikki, um fleiri verða innløgd, men tað er væntandi, og Landssjúkrahúsið er til reiðar at taka móti teimum.