Seldu meiri mat og alkoholfríar vørur

Meiri matur og alkoholfríar drykkjuvørur vórðu seldar í fjórða ársfjórðingi í fjør enn í fjórða ársfjórðingi í 2018. Umsetningurin var 6,5 prosent størri í fjør.

Men í vørubólkinum húsbúnaður og húsarhaldsútgerð minkaði sølan. Her var umsetingurin fimm prosent minni í fjør.

Klæði og skógvar vuksu eisini í umsetningnum, 4,1 prosent.

Men eftir støðugan miðalprís seinastu tíggju árini, er miðalprísurin seinasta árið øktur nakað.

Verður lagt upp fyri hesum prísvøkstri, er sølan ikki vaksin, tá talan er um klæði og skógvar, skrivar Hagstovan.