Danir hjálpa føroyingum

Talan er um Vækstfonden og Eksportkreditfonden. BankNordik skrivar um Vækstfonden, at hann veitir trygd fyri lánum ella kredittum í peningastovnum.

Fyritøkur kunnu fáa hjálp frá Vækstfonden, um tær hava staðfest ella vænta at staðfesta í minsta lagi 30 prosent í mistum umsetningini frá 1. mars til 30. mars.

Orsøkin skal vera korona. Tiltøkini hjá Eksportkreditfonden eru framvegis ikki komin í gildi. Tí sambært reglunum um ríkisstuðul skal ES-nevndin góðkenna tiltøkini fyrst.

Kunnu taka lán til gjaldførið

Eksportkreditfonden gevur smáum og miðalstórum útflutningsfyritøkum gjaldføriskautión. Tær kunnu tí taka lán til gjaldførið, tí Eksportkreditfonden veitir trygd.

Eksportkreditfonden hevur eisini víðkað endurtrygging av privatum kreditttryggjarum. Endurtryggingin umfatar nú eisini OECD lond.

Hetta skal gera tað lættari hjá útflutningsfyritøkum at fáa endurtrygging fyri skuld hjá viðskiftafólkum í OECD-londum, eitt nú í londum í Evropa.